محــلاه حضنك يـا أمــي

محلاه حضنك يا أمى
دا بيبعد عنى همى
وبيمسح والله غمى
دا دمك هو دمى
محلاه حضنك يا أمى
مهما هاقول واتكلم
أو حتى قلبى يسلم
حبك دا بحر يعلم
محلاه حضنك يا أمى
مين ليا مين غيرك
طاير أنا مع طيرك
ياما غرقت فى خيرك
محلاه حضنك يا أمى
مليانه بالحنان
والدفء والأمان
يا زهرة البستان
محلاه حضنك يا أمى
أنا عمرى يوم ماأنساكى
يا غاليه قولى دعاكى
فى الجنه أكون وياكى
محلاه حضنك يا أمى
ضمينى يلا أوام
واروينى بالإلهام
فى واحة الإسلام
محلاه حضنك يا أمى
حروف اسمك فى قلبى
محفوره بدمع حبى
بتحرك جوا نبضى
محلاه حضنك يا أمى
عشقك يهز الشجر
ينطق كمان الحجر
ليكى يا ضى القمر
محلاه حضنك يا أمى
زمان دمعك حكالى
لما تعبت نادالى
داوى جروحى الغالى
محلاه حضنك يا أمى
لما بكيت بكيتى
لما فرحت دعيتى
لما عطشت رويتى
محلاه حضنك يا أمى
مهما يقول لسانى
أنا برده لسه أنانى
يا أحلى حضن حمانى